کوئٹہ (این این آئی)پارٹی ڈسپلن کی خلاف ورزی پر پی ٹی آئی کوئٹہ سٹی کے صدر نور الدین اور جنرل سیکرٹری سلطان قریش کو عہدے سے ہٹا کر ان کی پارٹی کی بنیادی رکنیت معطل کرنے کا نوٹیفکیشن جاری کردیا گیا ہے ۔پی ٹی آئی بلوچستان کے ترجمان کے مطابق پی ٹی آئی کوئٹہ سٹی کے صدر نور الدین اور جنرل سیکرٹری سلطان قریش کے خلاف کارروائی پارٹی ڈسپلن کی خلاف ورزی پر کی گئی۔
پی ٹی آئی کوئٹہ سٹی کے صدر نور الدین کاکڑ نے پارٹی ٹکٹ نہ ملنے پرحلقہ پی بی 27سے آزادحیثیت میں کاغذات نامزدگی جمع کرائے تھے، جبکہ پی ٹی آئی کوئٹہ سٹی کیجنرل سیکرٹری سلطان قریش نے نور الدین کاکڑ کی حمایت کر رکھی ہے۔تحریک انصاف کی جانب سے دونوں عہدیداروں کو ہدایت کی گئی ہے کہ وہ سات دن کے اندر صوبائی ڈسپلنری کمیٹی کے سامنے پیش ہو کر جواب جمع کرانے کی ہدایت کر دی ہے اور کہا ہے کہ اگر 7 دن کے اندر صوبائی ڈسپلنری کمیٹی کے سامنے پیش ہوکر جواب جمع نہیں کرایا گیا تو پارٹی کی بنیادی رکنیت ختم کردی جائے گی۔پاکستان تحریک انصاف بلوچستان ترجمان کیمطابق آزاد حیثیت سے کھڑے ہونے والے اور پارٹی امیدوار کے خلاف کسی اور جماعت اور آزاد حیثیت سے کھڑے ہونے والے امیدوار کی حمایت کرنے والے ہر شخص کے خلاف سخت کاروائی کی جائے گی۔
The post ’’میرے ہوتے ہوئے پارٹی میں یہ سب نہیں چلے گا ‘‘ پارٹی ڈسپلن کی خلاف ورزی پر تحریک انصاف نے سینئر رہنما کو پارٹی عہدے سے فارغ کر دیا ، نوٹیفکیشن جاری appeared first on JavedCh.Com.
No comments:
Post a Comment