اسلام آباد(سی پی پی) مسلم لیگ (ن) کے رہنما اور سینیٹر پرویز رشید نے کہا ہے کہ چوہدری نثار اور ثاقب نثار کے جانے سے لوگوں کے چہروں پر خوشی آئی۔ اسلام آباد ہائیکورٹ کے باہر میڈیا سے گفتگو کرتے ہوئے پرویز رشید نے کہا کہ ڈان لیکس پر تنازع کھڑا کیا گیا۔ جسے روز پنکھے سے ہوا چوہدری نثار نے دی۔ ثاقب نثار اور چوہدری نثار کے جانے سے لوگوں کے چہروں پر خوشی آئی۔نواز شریف کی ضمانت سے متعلق پرویز رشید نے کہا کہ علاج کے لئے باہر جانے کا فیصلہ میاں صاحب خود کریں گے۔ انہوں نے کہا کہ
اگر شریف خاندان کو ڈیل یا ڈھیل دی جا رہی ہے تو حکومت دوسرے فریق کا نام بتائے۔ مشرف کے باہر جانے پر مخالفین کی زبانیں بند کیوں ہو جاتی ہیں۔ نواز شریف مشرف نہیں ہیں۔ وہ اس دھرتی کے بیٹے ہیں، یہیں رہیں گے اور سیاست کریں گے۔واضح رہے کہ چوہدری نثار نے اتوار کو ایک نجی ٹی وی سے بات کرتے ہوئے نواز شریف اور ڈیل سے متعلق سوال کے جواب میں کہا تھا کہ اگر تھوڑا سا بھی اشارہ کردوں تو بہت سے لوگوں کی جگ ہنسائی اور کئی لوگوں کی عزت میں اضافہ ہو لیکن اس کو پردے میں رہنے دیا جائے۔
The post چوہدری نثار اور ثاقب نثار کے جانے سے لوگوں کے چہروں پر خوشی آئی، پرویز رشیدنے پھر نئی بحث چھیڑ دی appeared first on JavedCh.Com.
No comments:
Post a Comment