لاہور(آن لائن)وزیراعظم عمران خان کی معاون خصوصی برائے اطلاعات فردوس عاشق اعوان نے کہا ہے کہ او آئی سی اجلاس میں وزیراعظم عمران خان مقبوضہ کشمیر اور فلسطین کے وکیل بن کر ابھرے۔اتوار کو سماجی رابطے کی ویب سائٹ ٹوئٹر پر فردوس عاشق اعوان نے کہا کہ وزیراعظم نے او آئی سی سربراہ اجلاس سے تاریخی خطاب کیا۔انہوں نے امت مسلمہ کے جذبات کی صحیح معنوں میں عکاسی کی اور اسلام کا حقیقی تشخص اجاگر
کرنے کے لیے نئی راہ عمل متعین کی۔ان کا کہنا تھا کہ او آئی سی اجلاس میں وزیراعظم مقبوضہ کشمیر اور فلسطین کے وکیل بن کر ابھرے۔ انہوں نے دو ٹوک موقف اپنایا کہ کشمیریوں کی منصفانہ جدوجہد کو دہشتگردی کا نام نہیں دیا جاسکتا۔ دو ریاستی حل کے سوا مسئلہ فلسطین کا کوئی حل نہیں۔فردوس عاشق اعوان کا کہنا تھا کہ عمران خان کا سائنس اور ٹیکنالوجی کے شعبے پر خصوصی توجہ دینے پر زور اسلامی دنیا کو اس شعبے میں ان کی میراث یاد دلاتا ہے۔
The post کشمیریوں کی منصفانہ جدوجہد کو دہشتگردی کا نام نہیں دیا جاسکتا ، دو ریاستی حل کے سوا مسئلہ فلسطین کا کوئی حل نہیں:عمران خان او آئی سی اجلاس میں وکیل بن کر ابھرے،دل جیت لئے appeared first on JavedCh.Com.
No comments:
Post a Comment