اکشے کمار کا معاوضہ 6 اداکاراؤں سے بھی زیادہ

ممبئی (این این آئی)بالی ووڈ میں گزشتہ چند سال سے فلمیں 100 کروڑ سے زائد کی کمائی کرنے لگی ہیں اور اسی وجہ سے اداکاروں نے بھی اپنی فیس دگنی کردی ہیں۔بولی وڈ میں جہاں ہیروز 20 سے 50 کروڑ روپے تک ایک فلم کا معاوضہ لیتے ہیں، وہیں کچھ اداکار فلم کی کمائی میں بھی حصے کا مطالبہ کرتے ہیں۔بولی وڈ خانز یعنی عامر، سلمان اور شاہ رخ خان جہاں اداکاری کی فیس لیتے ہیں۔

وہیں وہ فلموں کی کمائی سے بھی اپنا ایک مخصوص حصہ لیتے ہیں اور اب ان کے نقش قدم پر دیگر ہیروز بھی چل پڑے ہیں۔جہاں کچھ دن قبل خبر سامنے آئی تھی کہ شاہد کپور نے اپنی فلم ’کبیر سنگھ‘ کی کامیابی کے بعد اپنی فیس بڑھا کر 34 کروڑ روپے کردی ہے۔وہیں اب بولی وڈ کھلاڑی اکشے کمار کی فیس کے حوالے سے حیران کن خبر سامنے آئی ہے۔رپورٹس ہیں کہ اکشے کمار نے ایک فلم میں کام کرنے کا معاوضہ بڑھا کر 54 کروڑ روپے کردیا ہے اور ان کی یہ فیس مجموعی طور پر بولی وڈ کی 6 بڑی اداکاراؤں سے بھی زیادہ ہے۔اگرچہ رپورٹ میں یہ نہیں بتایا گیا کہ اکشے کمار اپنی آنے والی کن کن فلموں میں اتنی فیس لے رہے ہیں، تاہم دعویٰ کیا گیا کہ انہوں نے فلموں کی کامیابی کے بعد اپنی فیس میں اضافہ کردیا۔گزشتہ 2 سے 3 سال کے دوران اکشے کمار کی فلمیں کامیاب جا رہی ہیں اور وہ اب ایکشن فلموں میں کام کرنے کے بجائے ’ٹوائلٹ: ایک پریم کتھا‘ اور ’پیڈ مین‘ جیسی سماجی مسائل پر بنی فلموں میں دکھائی دیتے ہیں۔رپورٹس کے مطابق 2012 تک اکشے کمار کی فیس 12 کروڑ روپے ہوتی تھی، تاہم گزشتہ چند سال میں ان کی فلمیں مسلسل کامیاب گئی ہیں، جس وجہ سے انہوں نے اپنی فیس بڑھادی۔رپورٹ میں بتایا گیا کہ اکشے کمار کی جانب سے فیس بڑھائی جانے کی وجہ سے ہی وہ امریکی اقتصادی جریدے فوربز کی سب سے زیادہ کمائی کرنے والی 100 عالمی شخصیات میں شامل ہوئے۔رپورٹس ہیں کہ اس وقت پریانکا چوپڑا، دپیکا پڈوکون، کرینہ کپور، کترینہ کیف، سونم کپور، انوشکا شرما جیسی اداکارائیں بھی 9 سے 14 کروڑ روپے کا معاوضہ لے رہی ہیں۔

The post اکشے کمار کا معاوضہ 6 اداکاراؤں سے بھی زیادہ appeared first on JavedCh.Com.

loading...