تہران(این این آئی،مانیٹرنگ ڈیسک) بھارت نے مسلمانوں پر تشدد کی مذمت کرنے پر ایرانیوں کے ویزے منسوخ کر دئیے۔تفصیلات کے مطابق بھارت نے ایران سے جاری ہونے والے اس بیان کے فوری بعد کرونا وائرس کا بہانہ بناتے ہوئے ایرانی شہریوں کے ویزے منسوخ کرنے کا اعلان کیا ہے۔جب کہ ایران کا سفر کرنے والے غیر ملکیوں کے داخلے پر بھی پابندی عائد کر دی ہے۔یاد رہے کہ سماجی رابطے کی سائٹ ٹوئٹر پر ایرانی وزیر خارجہ
جواد ظریف نے بھارت میں مسلمانوں کے قتل عام اور منظم تشدد کی شدید مذمت کرتے ہوئے کہا کہ بھارت میں مقیم مسلمانوں کا تحفظ یقینی بنایا جائے اور شدت پسند عنا صر کو غالب نہ آنے دیں۔ایرانی وزیر خارجہ نے بھارتی مسلمانوں سے اظہار یکجہتی کرتے ہوئے کہا کہ ایران صدیوں سے بھارت کا دوست رہا ہے تاہم موجودہ صورتحال میں ایران تمام بھارتی شہریوں خصوصاً مسلمانوں کی سلامتی کی ضمانت کا مطالبہ کرتا ہے۔
The post مسلمانوں پر ہونے والے تشدد کی مذمت کیو ں کی؟ بھارت نے ایرانیوں کے ویزے منسوخ کردئیے appeared first on JavedCh.Com.
No comments:
Post a Comment