اسلام آباد (مانیٹرنگ ڈیسک/این این آئی)پاکستان تحریک انصاف کے سینئر رہنما و سابق وزیراعلیٰ لیاقت جتوئی کے سیف اللہ ابڑوپرالزامات کی اندرونی کہانی منظر عام پر آگئی ۔ تفصیلات کے مطابق ذرائع نے بتایا ہے کہ اندرون سندھ کے پارٹی رہنماؤں کو نظر انداز کرنے پر لیاقت جتوئی کا صبر جواب دے گیا کیونکہ انہوں نے سندھ میں جلسے کرانے کیلئے پارٹی کا بھرپور انداز میں ساتھ دیا
اور بھاری ووٹ بھی پارٹی بینک کا ذکر بھی کیا ۔ نجی ٹی وی جیو کے مطابق ذرائع نے بتایا کہ 26 فروری کو طلب کیے گئے ناراض گروپ کے اجلاس کے لیے لیاقت جتوئی نے ہم خیال رہنماؤں سے رابطے کیے ہیں جس میں اللہ بخش انڑ ، راجہ جکھرانی، ممتاز علی شاہ اور اکبر بھنگوار سے رابطے ہوئے ہیں۔ذرائع کے مطابق لیاقت جتوئی نے دو روز قبل وزیراعظم عمران خان کو ایک شکایت بھرا خط بھی بھیجا تھا جس میں انہوں نے وزیراعظم کو پارٹی ہائی جیک کرنے سے متعلق اشارہ دیا تھا۔ذرائع کے مطابق خط میں لیاقت جتوئی کا کہنا تھا کہ کراچی کامخصوص ٹولہ اور گورنر ہاؤس میں بیٹھے کچھ لوگ پارٹی کو نقصان پہنچارہے ہیں۔ذرائع نے بتایا کہ دو دن گزرنے کے باوجود اب تک عمران خان کو لکھے گئےخط کاجواب نہیں آیا جس پر 26 فروری کو طلب کیے گئے اجلاس میں اہم فیصلے کیے جاسکتے ہیں۔واضح رہے کہ لیاقت جتوئی نے سیف اللہ ابڑوپر35 کروڑ میں سینیٹ ٹکٹ خریدنے کا الزام لگایا تھا جس پر سیف اللہ ابڑو نے انہیں 2 ارب روپے ہرجانے کا قانونی نوٹس بھیجا ہے۔واضح رہے کہ سابق وزیر اعلیٰ سندھ اورپاکستان تحریک انصاف کے رہنما لیاقت جتوئی نے الزام لگایا ہے کہ سیف اللہ ابڑو کو 35 کروڑ روپے کے عیوض سینیٹ ٹکٹ دیا گیا۔سابق وزیر اعلی لیاقت جتوئی اپنی ہی پارٹی کے خلاف کھڑے ہوگئے، انہوں نے الزام لگایا ہے کہ گورنر ہائوس میں سیف اللہ ابڑو کو 35 کروڑ روپے کے عیوض سینیٹ ٹکٹ دیا گیا ہے۔لیاقت جتوئی کی جانب سے وزیر اعظم عمران خان کو شکایت خط لکھا گیا، جس میں کہا گیا کہ ہمیں نظرانداز کیا جارہا ہے۔ پارٹی میں مسلسل نظرانداز کرنے پر راستے الگ ہوسکتے ہیں۔ ہماری تجاویز کو نظرانداز کیا گیا۔خط میں انہوں نے کہا کہ کہا جارہا ہے کہ جتوئی برادران کی قربانیاں نہیں ہیں۔ سندھ کے اہم فیصلے گورنر ہائوس کے ڈرائنگ روم میں کئے جارہے ہیں۔لیاقت جتوئی نے 26 فروری کو پارٹی رہنمائوں سمیت اپنے ساتھیوں کا اجلاس طلب کرلیا۔
The post تحریک انصاف کےسینئر رہنما لیاقت جتوئی کے سیف اللہ ابڑوپرالزامات کی اندرونی کہانی کھل گئی appeared first on JavedCh.Com.
No comments:
Post a Comment