نقیب اللہ قتل کیس کے مرکزی ملزم راؤ انوار کی ملازمت ختم،1982 میں سندھ پولیس میں بطور اے ایس آئی بھرتی ہوئے تھے

کراچی(این ین آئی) نقیب اللہ محسود قتل کیس کے مرکزی ملزم ایس ایس پی راؤ انوار ملازمت سے ریٹائر ہوگئے، راؤ انوار احمدخان نے37سال پولیس کی ملازمت کی۔ذرائع کے مطابق راؤ انوار 1982 میں سندھ پولیس میں بطور اے ایس آئی بھرتی ہوئیتھے جبکہ گزشتہ سال جنوری میں نقیب اللہ کیس میں نامزدگی کے بعد سے وہ کسی عہدے پرنہیں تھے۔راؤ انوار سروس کے آخری برسوں میں زیادہ تر ایس ایس پی ملیر کے عہدے پر تعینات رہے، اس دوران انہوں نے درجنوں مبینہ پولیس مقابلے کیے جن میں سب سے زیادہ متنازع گزشتہ سال جنوری میں مبینہ جعلی مقابلہ سامنے آیا

جس میں قبائلی نوجوان نقیب اللہ محسود کو ہلاک کیا گیا۔نقیب اللہ قتل کیس میں معطل پولیس افسر را انور ریٹائر ہوگئے، وہ 1982 میں سندھ پولیس میں بطور اے ایس آئی بھرتی ہوئے، ان کا موجودہ رینک ایس ایس پی تھا۔سندھ پولیس کی جانب سے اپریل 2018 میں 31 دسمبر 2018 کو ریٹائر ہونے والے پولیس افسران کی فہرست جاری کی گئی تھی جس میں راؤ انوار کا نام بھی شامل تھا۔ایس ایس پی ملیر راؤ انوار کو نقیب اللہ قتل کیس میں ملوث ہونے کے الزام پر معطل کردیا گیا تھا، ان کے خلاف اس حوالے سے تحقیقات جاری ہیں جبکہ مقدمہ سپریم کورٹ میں زیر سماعت ہے۔

The post نقیب اللہ قتل کیس کے مرکزی ملزم راؤ انوار کی ملازمت ختم،1982 میں سندھ پولیس میں بطور اے ایس آئی بھرتی ہوئے تھے appeared first on JavedCh.Com.

loading...