راولپنڈی (آئی این پی ) بلوچستان کے شہر لورالائی میں سیکیورٹی فورسز نے دہشتگردوں کی ایف سی ٹریننگ سنٹر میں رہائشی اور انتظامی کمپاؤنڈ پر دہشتگردوں کے حملے کی کوشش ناکام بنادی اور جوابی کارروائی کرتے ہوئے خود کش بمبار سمیت 4 دہشتگردوں کو ہلاک کر دیا، محافظوں نے
دہشتگردوں کو مرکزی گیٹ پر ہی روک لیااور ان کو انجام تک پہنچا دیا جبکہ 4 اہلکار بھی فرض نبھاتے ہوئے جام شہادت نوش کرگئے ۔ پاک فوج کے شعبہ تعلقات عامہ (آئی ایس پی آر) کے مطابق منگل کوبزدل دشمنوں کے ایک اور وار کو ناکام بنا دیا گیا ہے۔ دہشتگردوں نے لورالائی میں ایف سی ٹریننگ سنٹر پر حملے کی کوشش لیکن انھیں مرکزی گیٹ پر ہی روک لیا گیا جس کے بعد حملہ آوروں نے اندھا دھند فائرنگ کی، سیکیورٹی اہلکاروں نے جوابی کارروائی کرتے ہوئے چاروں کو جہنم واصل کر دیا۔آئی ایس پی آر کے مطابق دہشتگرد چوکی کے قریبی احاطے میں گھسے تو سیکیورٹی فورسز نے فوری طور پر احاطے کا گھیراؤکر لیا، بہادر جوانوں کی کارروائی سے دہشتگرد رہائشی علاقے میں داخل نہ ہو سکے۔مارے گئے دہشتگردوں میں ایک خود کش بمبار بھی شامل تھا۔ آئی ایس پی آر کے مطابق دہشتگردوں کے ساتھ جھڑپ میں 4 سیکیورٹی اہلکار شہید جبکہ 2 زخمی ہوئے۔شہید ہونے والوں میں صوبیدار میجر منور، حوالدار اقبال، حوالدار بلال اور سپاہی نقشب شامل ہیں۔ آئی ایس پی آر کے مطابق دہشتگردوں کے ساتھ جھڑپ میں 4 سیکیورٹی اہلکار شہید جبکہ 2 زخمی ہوئے۔شہید ہونے والوں میں صوبیدار میجر منور، حوالدار اقبال، حوالدار بلال اور سپاہی نقشب شامل ہیں
The post دہشت گردوں کاایف سی ٹریننگ سنٹر پر حملہ،محافظوں نے گیٹ پر ہی روک لیا،چارو ں حملہ آور ہلاک ، آئی ایس پی آرنے تفصیلات جاری کردیں appeared first on JavedCh.Com.
No comments:
Post a Comment