اسلام آباد (این این آئی)متحدہ عرب امارات نے کامیاب جوان پروگرام کے لئے پاکستان کو دو سو ملین ڈالر دینے کا اعلان کرتے ہوئے کہا ہے کہ پاکستانی نوجوانوں میں بے پناہ ٹیلنٹ اور صلاحیت دیکھی ہے پاکستان کے ساتھ ملکر نوجوانوں کی تعمیر و ترقی کے لئے کردار ادا کریں گے ۔
جمعرات کو یہاں اسلام آباد میں یو اے ای سفیر نے وزیراعظم کے معاون خصوصی عثمان ڈار سے ملاقات کی اور کامیاب جوان پروگرام کے لئے پاکستان کو دو سو ملین ڈالر دینے کا اعلان کیا، رقم کا وعدہ ابو ظہبی کے کراون پرنس محمد بن زید النہیان کی جانب سے حالیہ دورہ کے دوران کیا گیا تھا۔ ملاقات کے دوران یو اے ای سفیرنے کہاکہ پاکستانی نوجوانوں میں بے پناہ ٹیلنٹ اور صلاحیت دیکھی ہے، پاکستان سے مل کر نوجوانوں کی تعمیر و ترقی کیلئے کردار ادا کریں گے، پاکستانی نوجوانوں کے لئے عملی اقدامات کا آغاز جلد کیا جا رہا ہے۔یو اے ای نے پاکستان کے ساتھ یوتھ ایکسچینج پروگرم شروع کرنے کا بھی اعلان کر دیا ،پاکستانی نوجوانوں کا وفد متحدہ عرب امارات بھیجنے پر اتفاق کیا گیا جہاں ان کو انٹرپنورشپ سمیت آرٹیفیشل انٹیلی جنس کی مہارت سکھائی جائیگی ،ساتھ میں متحدہ عرب امارات نے پاکستانی نوجوانوں کو دبئی ایکسپو 2020 میں بھی شراکت دار بنانے کی پیشکش بھی کر دی، دبئی ایکسپو میں پاکستانی نوجوانوں کو خصوصی پویلیںن دئیے جائیں گے۔
وزیر اعظم کے معاون خصوصی نے کامیاب جوان پروگرام میں یو اے ای تعاون کی پیشکش کا خیر مقدم کرتے ہوئے کہا وزیراعظم کے ویژن کے مطابق نوجوان طبقے کو اوپر اٹھانا ہے نوجوانوں پر خطیر سرمایہ کاری کی جارہی ہے نوجوان آنے والے سالوں میں ملکی معیشت میں ریڑھ کی ہڈی بنیں گے۔
The post عمران خان کا وہ عوامی منصوبہ جس کیلئے متحدہ عرب امارات نے 200ملین ڈالر دینے کا اعلان کردیا، حکومتی پروگرام پر مکمل اظہار اعتماد appeared first on JavedCh.Com.
No comments:
Post a Comment