اسلام آباد(مانیٹرنگ ڈیسک) الیکشن کمیشن نے این اے 75 کے انتخابات کو کالعدم قرار دیدیا۔نجی ٹی وی کے مطابق الیکشن کمیشن نے حکم دیا ہے کہ حلقے میں الیکشن کے لیے سازگار ماحول نہیں تھا جس کے بعد الیکشن کو کالعدم قرار دیا
جاتا ہے۔الیکشن کمیشن نے حلقے میں 18 مارچ کو دوبارہ پولنگ کا حکم دیا ہے ۔الیکشن کمیشن کے فیصلے پر مسلم لیگ (ن) کے رہنما محمد زبیر کا کہنا تھا کہ دھاندلی کرنے کے لیے مکمل سازش کی گئی تھی لیکن حکومت کے حربے ناکام ہوئے، عمران خان سازش میں سب سے آگے تھے۔انہوں نے کہا کہ آج سے عدم اعتماد ہوچکا، ان کی حکومت کا دھڑم تختہ ہوچکا، کس کس نے سازش کی جب تک سامنے نہیں آئے گا،انصاف نہیں ہوگا۔یاد رہے کہ این اے 75 ڈسکہ کے ضمنی الیکشن میں بدنظمی دیکھنے میں آئی تھی جس کے نتیجے میں 2 افراد جاں بحق ہوئے جب کہ 20 پولنگ اسٹیشنوں کے نتائج تاخیر سے ملنے پر الیکشن کمیشن نے اس حلقے کا نتیجہ روک لیا تھا۔مسلم لیگ (ن) نے این اے 75 کے پورے حلقے میں دوبارہ پولنگ کا مطالبہ کیا تھا۔
The post این اے 75 ڈسکہ میںہونیو الے ضمنی انتخابات کالعدم قرار پورے حلقے میں دوبارہ الیکشن کب ہوگا؟اعلان کردیا گیا appeared first on JavedCh.Com.
No comments:
Post a Comment