لاہور (نیوز ڈیسک)وزیرصحت پنجاب ڈاکٹر یاسمین راشد نے کہا ہے کہ ہسپتالوں میں نرسوں کی کمی دور کرنے کیلئے 2200اسامیوں پر بھرتی کی منظوری دے دی گئی ہے۔ یہ بھرتیاں پبلک سروس کمیشن کے ذریعے کی جائیں گی۔ یہاں نرسنگ سٹاف ایسوسی ایشن کے وفد سے ملاقات میں انہوں نے کہا کہ نرسنگ سٹاف محکمہ صحت کا ایک اہم جزو ہے۔ نرسوں کے مسائل حل کرنے میں کوئی کسر اٹھا نہیں رکھی جائے گی تاہم یہ نرسوں کا بھی فرض ہے کہ وہ مریضوں کی خدمت کا جذبہ بروئے کار لائیں اور پیشے کی عزت مزید بڑھائیں۔
وزیر صحت نے کہا کہ تحریک انصاف کی حکومت کا ایک ہی ایجنڈہ ہے اور وہ ہے عام آدمی کی بہتری۔اس ایجنڈے کی تکمیل کے لئے وزیراعظم عمران خان اور وزیراعلیٰ پنجاب سردار عثمان بزدار کی ٹیم دن رات ایک کررہی ہے۔ شعبہ صحت پر عوام کا اعتماد بڑھانے میں نرسنگ سٹاف کا اہم کردار ہے۔ بطور ڈاکٹر نرسوں کے ساتھ طویل عرصے تک کام کیا اور پی ایم اے کے پلیٹ فارم سے ان کے حقوق کے لئے ہمیشہ آواز سنائی۔ ڈاکٹر یاسمین راشد نے کہا کہ ہسپتال آنے والے دکھی مریضوں سے اچھا سلوک ہی آخرت میں نجات کا ذریعہ ہے۔
The post کپتان کے عوام سے کئے گئے وعدوں کے پورا ہونیکا وقت آگیا ایک کروڑ نوکریاں دینے کا آغاز، اہم ترین محکمے میںسینکڑوں آسامیوں کی منظوری، بھرتی کا طریقہ کار کیا ہوگا، اعلان کر دیا گیا appeared first on JavedCh.Com.
No comments:
Post a Comment